Bunaíodh Taisce an Oileáin in 2021 chun na healaíona, an t-oideachas, an cultúr, an Ghaeilge agus oidhreacht Árainn Mhóir a chur chun cinn. 

Bíonn Taisce an Oileáin ag obair chun forbairt chultúrtha an oileáin a chur chun cinn. Baineann an obair a dhéanann muid le  traidisiúin bheo cheoil agus amhránaíochta Árainn Mhóir a chur chun cinn agus a dhoiciméadú, gníomhaíochtaí agus imeachtaí oideachais a eagrú, saothair nua a choimisiúnú, maoiniú a thiomsú, comhoibriú le heagraíochtaí eile agus oifig a reáchtáil.

Is eagraíocht phobail í Taisce an Oileáin atá á reáchtáil ar bhonn deonach. In 2021, bhunaíomar comhlacht neamhbhrabúis chun dea-rialachas a chinntiú. Tá an coiste déanta suas le hoileánaigh agus le daoine a bhfuil ceangal acu leis an oileán – idir fhir agus mhná, idir dhaoine óga agus dhaoine níos sine (18–70+).

I rith na bliana, eagraíonn Taisce an Oileáin ranganna ceoil traidisiúnta agus réimse leathan gníomhaíochtaí eile. Mar shampla: ceardlanna ealaíne agus ceardaíochta, ceardlanna sealgaireachta fiáine, drámaíocht, ceardlanna ceoil, imeachtaí ar nós Cruinniú na nÓg agus Oíche Chultúir, ócáidí filíochta, agus ár bhféile bhliantúil, Féile Róise Rua.

Táimid fíorbhuíoch den tacaíocht leanúnach a fhaighimid ó eagraíochtaí éagsúla, ina measc Ealaín na Gaeltachta, an Chomhairle Ealaíon agus Comhairle Contae Dhún na nGall.